Besimtarët katolikë festuan këtë të diel Pashkët, festën më të rëndësishme të kalendarit të krishtërimit, Ringjalljen e Krishtit.
Mesha e shenjtë e mesditës në Katedralen e “Shën Palit” në kryeqytet, mblodhi dhjetëra besimtarë të krishterë.
Festimet e Pashkëve nisën që mbrëmjen e të shtunës, ku pas dy vitesh nën masat e pandemisë, u mbajt për herë të parë edhe mesha e shenjtë e Vigjiljes së Pashkëve.
Nga meshat e shenjta këtë vit pati një lutje speciale për Ukrainën. Harmoni e paqe në të gjithë botën, ishte mesazhi që u përcoll për të gjithë besimtarët kudo në botë, në një kohë kur globi është trazuar jo pak nga lufta.
Besimtarët e krishterë kanë festuar në të gjithë Shqipërinë me urimet për të qenë më afër zotit dhe një vit plot shprese.
