Aktivisti i shoqërisë civile dhe analisti Genc Sejko ka ironizuar kandidatin e Partisë Demokratike per Tiranën Belind Këlliçi.
Duke iu referuar kundërshtimit të kandidatit të djathtë për pallatin e dëmtuar nga tërmeti në njësinë Nr.4, Sejko shpreh habinë se si nuk e di Belindi që shkresën per shembjen e atij pallati e ka firmosur vjehrri i tij.
“Belindi kalon gjithë natën me protestuesit e pallatit që do shembë bashkia në kombinat. Hallexhinjtë nuk e dinë që vendimin për prishjen e godinave e jep Instituti i Ndërtimit. Por ndërsa atyre dhe mund t’u falet kjo, si mund mos ta dijë Belindi që vjehrri i tij ka firmosur shkresën për shembjen e pallatit?!”, shkruan Sejko.
Kujtojmë që Belind Këlliçi bashkëjeton me vajzën e Drejtorit të Institutit të Ndërtimit Artan Shkreli.
