Mbrëmjen e djeshme, mediat greke bën me dije lajmin tragjik të vdekjes së 50-vjeçares shqiptare, e cila u copëtua duke pastruar një grirëse mishi në një kasap në Messolongi.
Ngjarja ndodhi para syve të vajzës së saj.
Një mesazh optimizmi dhe force është postimi i fundit i bërë nga 50-vjeçarja e ndjerë në rrjetet sociale pak para vdekjes së saj tragjike.
Siç kishte shkruar në gjuhën shqipe: “Është e vështirë të presësh diçka, që mund të mos ndodhë kurrë. Por është edhe më e vështirë të heqësh dorë nëse kjo është e vetmja gjë që dëshiron”.
Policia, në kuadër të hetimeve, ka vijuar arrestimin e pronarit të dyqanit ku mbeti e vdekur të premten mbrëma 50-vjeçarja.
Sipas policisë, ai akuzohet për një aksident industrial me pasojë vdekjen nga pakujdesia.
Si ndodhi aksidenti i tmerrshëm?
Sipas policisë, 50-vjeçarja në një moment ka shkuar për të pastruar një grirëse mishi dhe në rrethana që po hetohet, fillimisht i ka mbetur koka. Më pas, kur 50-vjeçarja tentoi të çlirohej, edhe dora e saj u kap në makinën e mishit.
Menjëherë më pas është njoftuar zjarrfikësja, për nxjerrjen e gruas, ndërsa është dërguar në spital, ku mjekët kanë konstatuar vdekjen.
Trupi i gruas fatkeqe u dërgua në Patra për autopsi, ndërsa varrimi pritet të bëhet në ditët në vijim në Evinochori.
Gruaja prej dy vitesh jetonte në Mesolongji me nënën dhe dy fëmijët, vajzën 18-vjeçare dhe djalin 10-vjeçar, pas ndarjes me bashkëshortin në Shqipëri.
Sipas njerëzve që e njihnin, ajo punonte me të bijën nga mëngjesi deri në mbrëmje dhe pastronin dyqanet për të siguruar jetesën.
p.c. / ABC24.AL
