BE ka miratuar një paketë të re sanksionesh që synon të ushtrojë më shumë presion ndaj Rusisë. Paketa, detajet e së cilës nuk janë zbuluar, u miratua pas disa ditësh diskutimesh gjatë një takimi të ambasadorëve të bllokut të 27 vendeve në Bruksel, ndërsa krerët e BE-së mbajtën një samit aty pranë, raporton Sky News.
Republika Çeke, e cila mban presidencën e radhës të Këshillit të BE, tha se paketa do të konfirmohet me procedurë me shkrim nesër. Komisioni Evropian propozoi javën e kaluar ndalime të udhëtimit dhe ngrirje të aseteve për pothuajse 200 zyrtarë dhe oficerë ushtarakë rusë si pjesë e raundit të ri të masave.
Ishte e paqartë nëse propozimet ishin ndryshuar gjatë negociatave midis vendeve anëtare. Objektivat e sanksioneve të fundit të rekomanduara përfshinin ministrat e qeverisë, ligjvënësit, guvernatorët rajonalë dhe partitë politike.
a.m/dita
