Ndërsa sytë e gjithë Europës sot janë drejt Tiranës, kryeministri Rama ka zgjedhur të presë në një mënyrë të pazakontë liderët evropianë në ambientet e Kryeministrisë.
Pas pritjes në tapetin e kuq, të gjithë u zhvendosën brenda Kryeministrisë, ku midis gjithë liderëve po luhej një skenë baleti nga dy artistë francezë, të cilët kanë interpretuar pikturën e famshme.
Kjo shfaqje u pasua me zbulimin e një pikture të një artisti të njohur italian, për Europën.
Pas përfundimit të koreografisë, kryeministri Edi Rama u shpreh se kërkonte që të ndërthurte artin e baletit me atë të pikturës, e cila u zbulua nga balerinët.
Më pas ishte koreografi që bëri të mundur pjesën e baletit, i cili zbuloi se puna për mini-shfaqjen kishte nisur vetëm 24 orë më parë.
Ai tregoi se gjatë komunikimit me kryeministrin i ishte drejtuar duke thënë “Edi je i çmendur?!”, pasi sipas tij nuk mund të krijonte diçka të re me këtë limit kohor.
Megjithatë ai falënderoi kreun e qeverisë për mundësinë e dhënë, ndërsa pjesëmarrësit e Samitit vijuan me axhendën e tyre.
j.l./ ABC24.AL
