Një luftë ka shpërthyer në jug të Izraelit midis militantëve të Hamasit dhe forcave izraelite.
Avionët luftarakë kanë sulmuar “infrastrukturën operative” të Hamasit.
Kryeministri Benjamin Netanyahu deklaroi dje se Izraeli ka hyrë në një luftë të gjatë dhe të vështirë, pas sulmit të paprecedentë nga Hamasi.
Të paktën 500 të vdekur, mbi 3,000 të plagosur dhe 164 pengje raportohen në Izrael.
Autoritetet thonë se dhjetëra izraelitë, duke përfshirë gra dhe fëmijë, po mbahen peng në Gaza.
Forcat izraelite të sigurisë kanë marrë kontrollin e një stacioni policie në qytetin jugor të Sderot, duke vrarë të paktën 10 luftëtarë palestinezë pas një përleshje një orëshe.
Grupi militant Hezbollah me bazë në Liban ka marrë përgjegjësinë për një sulm me raketa dhe artileri në fermat Shebaa të pushtuara nga Izraeli, duke deklaruar se është “në solidaritet” me popullin palestinez.
Hezbollahu tha se sulmi kishte në shënjestër tre poste, duke përfshirë një “vend radar” në Fermat Shebaa, një pjesë e vogël e tokës e pushtuar nga Izraeli që nga viti 1967 – që Libani pretendon se është e tij.
Izraeli u përgjigj të dielën me zjarr artilerie në Libanin jugor, duke synuar zonën Har Dov, e cila është gjithashtu përgjatë kufirit.
“Forca e Mbrojtjes Izraelite ka marrë masa përgatitore për këtë lloj mundësie dhe do të vazhdojë të operojë në të gjitha rajonet dhe në çdo kohë të nevojshme për të garantuar sigurinë e civilëve izraelitë”, tha një zëdhënës.
Hezbollahu ishte një nga grupet e para që mbështeti hapur inkursionin e Hamasit në Izrael.
Deri më tani raportohet për dhjetëra pengje, ndërsa pak më herët lajmin e ka konfirmuar edhe ushtria izraelite.
Në mesin e zyrtarëve të lartë të rrëmbyer, Hamasi pretendon se mbante gjeneral-majorin izraelit Nimrod Aloni, së bashku me ushtarë të tjerë.
Në një video të publikuar nga War Monitor, forcat e Hamasit shihen duke rrëmbyer një numër të madh njerëzish, përfshirë fëmijë, duke i hedhur në një karrocë dhe duke i çuar në Gaza.
Disa besohet se janë zhvendosur në qytete të vogla përreth Rripit të Gazës. Të tjerë janë zhvendosur në Gaza pasi situata ka dalë jashtë kontrollit.
Nënkryetari i zyrës politike të Hamasit tha më herët se zyrtarë të lartë ushtarakë izraelitë ishin marrë peng.
⚡️Another video of hostages taken by Hamas into Gaza pic.twitter.com/xQHgHZB8Ob
— War Monitor (@WarMonitors) October 7, 2023
j.l./ ABC24.AL
