Partia Demokratike kishte lajmëruar sot një deklaratë për punimet e Bashkisë së Tiranës për asfaltimin e rrugës “Xhon Belushi”.
Por, banorët e zonës kanë dalë në mbrojtje të nisjes së punës dhe kanë përzënë deputetët e PD, Belind Këllici, Albana Vokshi dhe Gent Strazimiri.
“Ikni, lëreni bashkinë të na bëjë rrugën. Ta kishit bërë ju kur e kishit bashkinë, po ju na latë në baltë”, dëgjohen banorët në video.
Banorët shihen se debatojnë me deputetët dhe shoqëruesit e tyre.
“Nuk është për politikë kjo, ju për vete i keni rrugët te vilat tuaja me asfalt e trotuare” – dëgjohet një tjetër banor.
“Demokratë janë këtu, po ju asnjë votë nuk do merrni këtë herë” – dëgjohen pak më tej në filmim.
Strazimiri është i njëjti deputet i PD, i cili kundërshtoi vite më parë këndin e lodrave te Liqeni.
Ai madje u filmua duke mbajtur në brez edhe një pistoletë.
i.b. / dita
