Shefi ekzekutiv i Apple, Tim Cook konfirmoi përmes Twitter se Apple përdor sensorët e kamerës së Sony në prodhimin e iPhone.
Cook këtë e konfirmoi përmes një mesazhi në Twitter teksa ishte për vizitë tek furnitorët në Japoni.
“Ne kemi bashkëpunuar me Sony për më shumë se një dekadë për të prodhuar sensorë kamerash lider në botë për iPhone”, shkroi Cook, duke falënderuar CEO të Sony, Kenichiro Yoshida që i tregoi objektin e Kumamotos.
Fotoja tregon Cook duke iu treguar smartfoni i kompanisë së tij, gjë që është mjaft qesharake.
Apple në përgjithësi fsheh detaje rreth komponentëve harduerikë që hyjnë në çdo iPhone, kështu që konfirmimi i përdorimit të sensorëve të kamerës së Sony pas më shumë se një dekade është ende një moment domethënës. Faqja e internetit e Apple liston vetëm specifikimet e kamerës së iPhone si rezolucioni, hapja dhe fusha e shikimit, ndërkohë që nuk ka informacion për komponentë të veçantë.
Tweeti i Cook konfirmoi raporte dhe thashetheme të shumta që kanë qarkulluar prej vitesh rreth përdorimit të pajisjeve të Sony nga Apple. Në vitin 2015, Wall Street Journal raportoi se Apple përdori dy sensorë Sony për iPhone 6 dhe duke shkëputur pajisjen, iFixit vendosi numrat e modelit të Sony.
Kjo e fundit konsiderohet lidere në tregun e sensorëve të kamerave dhe ka një pjesë prej 44 për qind të tregut të sensorëve CMOS. Samsung është i dyti me një aksion prej 18.5 për qind.
Gjithashtu, vizita e Cook në fabrikën e Sony do të thotë se partneriteti mes dy kompanive do të zgjasë dhe se do të bashkëpunojnë në prodhimin e modeleve të ardhshme të iPhone.
Sony thuhet se ka zhvilluar një sensor të ri që përdor një arkitekturë të re gjysmëpërçuese për të “kapur” më shumë dritë dhe për të zvogëluar ekspozimin e tepërt dhe nënekspozimin. Ky sensor duhet të jetë pjesë e gjeneratës së ardhshme të iPhone-ve, por do të përdoret edhe nga prodhues të tjerë të smartfonëve.
