Fansat e “The Simpsons” janë të bindur se seriali i animuar televiziv parashikoi edhe një herë dy ngjarje aktuale që ndodhën në të njëjtën ditë, përkatësisht arrestimin e Donald Trump-it dhe filmin e animuar “Barbie”.
Përdoruesit e rrjeteve sociale ia kanë atribuuar edhe një herë aftësisë për të parashikuar të ardhmen krijuesve të serialit për shkak të akuzave ndaj ish-presidentit amerikan, Donald Trump dhe bujës në rrjet rreth filmit “Barbie” të Greta Gerwig.
Arrestimi i presidentit dhe kukulla Barbie ishin pika e diskutimit në një episod të vitit 1994 të “The Simpsons” të quajtur “Lisa kundër Malibu Stacy”. Një prokuror i Gjykatës Penale të Manhattanit ngritit 34 aktakuza kundër Trump-it. Ky zhvillim ndodhi të përkonte me publikimin e një traileri të ri për filmin “Barbie” me Margot Robbie dhe Ryan Gosling.
Një skenë në episod tregon një program televiziv ku prezantuesi Kent Brockman përmend fushatën e Lisa Simpson për t’i bërë krijuesit e kukullës Barbie të prezantojnë një version feminist të saj që do të fuqizojë vajzat e reja. Ai dëgjohet teksa thotë:
“Ndërsa ishte e pazakontë të shpenzoje 28 minuta duke raportuar për një kukull, ishte e pamundur që ky reporter të ndalonte së foluri. Ky është vërtet një lajm magjepsës, njerëz. Natën e mirë”.
Më pas, në një kthesë tipike, Brookman përfundon kronikën duke njoftuar se presidenti është arrestuar. Episodi ndodhi në vitet 1990, kur popullariteti i serialit ishte në kulmin e tij dhe për këtë arsye nuk ishte një referencë e pazakontë në media në atë kohë.
Këto parashikime i bashkohen një vargu të gjatë parashikimesh nga “The Simpsons” që supozohet se do të realizohen. Në të kaluarën, ata janë vlerësuar se kanë “parashikuar” çdo gjë, nga trazirat në Kongresin Amerikan deri tek Kamala Harris, duke u bërë zëvendëspresidente e SHBA-së.
Kështu, në rrjetet sociale, fansat e serialit u kënaqën me një tjetër “parashikim të saktë” dhe komentuan se “më i çmenduri” deri më tani lidh dy ngjarje aktuale, si dhe se skena nga episodi “tregon fjalë për fjalë – lajmet e ditës”.
