Së pari njoftimi i vajzës së tij Kely Nascimiento, më pas konfirmimi edhe i spitalit izraelit “Albert Einstein” në Rio de Zhaneiro për vdekjen e Pele, i cili ishte shtruar aty që nga 29 nëntori i kaluar. “O Rey” e ka humbur përfundimisht betejën e tij kundër kancerit të zorrës së trashë, për të cilin ishte operuar në shtator 2021.
Spitali lëshoi një buletin të përmbledhur mjekësor menjëherë pas vdekjes së Pele. Në të konfirmohej: “Me keqardhje konfirmojmë vdekjen e Edson Arantes do Nascimento, Pelé. Saktësojmë se vdekja ndodhi për shkak të dështimit të disa organeve, pas përparimit të kancerit të zorrës së trashë, të lidhur me gjendjen e tij të mëparshme mjekësore”.
Së fundi, spitali izraelit solidarizohet me familjen e kampionit të botës: “I bashkohemi dhimbjes së familjes dhe të gjithë atyre që vuajnë për humbjen e mbretit tonë të dashur të futbollit”. Një humbje që prek botën e futbollit, por jo vetëm.
