Mbrëmjen e fundit Sara Hoxha ka treguar në “Dancing With the Stars” historinë kur ka shkuar si nuse në shtëpinë e Ledrit në Kosovë.
“Mora valixhet dhe u shpërngula në Kosovë. Prindërit e mi ishin në Gjermani ashtu si dhe vëllai, aty jetojnë akoma. Ua ndjeja shumë mungesën, ua ndjeja shumë mungesën, më shumë ndihesha keq për mamin dhe babin se bënë një sakrificë shumë të madhe që ikën në Gjermani në mënyrë që unë dhe vëllai të shkolloheshim atje. Më përlot fakti se ato i merr shumë malli për mua dhe që nuk më kanë afër”, është shprehur Sara mes lotësh.
Më tej ajo ka treguar se si e kanë pritur në shtëpinë e Ledrit. “Familja e Ledrit më priti shumë shumë mirë. Ato janë shumë njerëz të dashur në fakt, shtëpia është gjithmonë plot, asnjëherë bosh. Xheri dhe Agroni, prindërit e Ledrit janë më shumë si shokë dhe këtë gjë e kam ndjerë shumë kur jam futur në atë familje”, ka shtuar blogerja.
Që pas pjesëmarrjes në “Dancing With The Stars”, Sara Hoxha ka arritur të rrëmbejë zemrat e të gjithë publikut. Ndonëse njihet si “Sara e Ledrit”, blogerja tashmë po tenton të krijojë imazhin e saj nëpërmjet spektaklit të kërcimit ku lufton për të fituar dhe çmimin e madh.
E ftuar në “Më lër të flas”, Sara ka treguar planet e saj për të pasur një fëmijë të sytë me reperin por nuk dihet ende se kur. “Kemi edhe plane për fëmijë të dytë, normale. Nuk e dimë por kemi plane për të ardhmen. A është në 1, 2 apo 5 vitet e ardhshme nuk e dimë akoma por Poin nuk do ta lëmë pa motër ose vëlla”- tregoi ajo.
