Policia Rrugore ka arrestuar 27 persona, në gjendje të dehur, pa patentë dhe nën efektin e lëndëve narkotike. Po ashtu janë vendosur mbi 9 mijë gjoba për shpejtësi mbi norma, përdorim të celularit apo në mungesë të rripit të sigurimit.
“Komisariati i Policisë Rrugore Tiranë (22.01.2024 – 28.01.2024). 27 persona u arrestuan për vepra penale në qarkullimin rrugor. Përfshihen:
• 8 të arrestuar për drejtim mjeti në gjendje të dehur.
• 4 për drejtim mjeti pa leje drejtimi.
• 3 për aksidente rrugore dhe largim nga vendngjarja.
• 7 për korupsion aktiv.
• 5 për kombinim të drejtimit të mjetit në gjendje të dehur ose nën ndikim të lëndëve narkotike dhe korupsion aktiv.
MASA ADMINISTRATIVE: Vendosur 9170 masa, përfshirë:
197 për xhama të zinj.
• 499 për shpejtësi mbi normat.
• 451 për përdorim celulari gjatë drejtimit.
• 381 për mosvendosje të rripit të sigurimit.
• 77 për mosvendosje të kaskës mbrojtëse.
• 320 për mosdhënie përparësie këmbësorëve.
• 6069 për qëndrim të gabuar.
56 masa administrative që parashikojnë pezullim të lejes së drejtimit. 16 automjete u bllokuan për arsye të ndryshme”, njofton policia.
