Princi britanik Harry vijon të tronditë me librin e tij autobiografik, i cili ka dalë në qarkullim prej disa ditësh dhe që në një farë mënyrë tregon anën e errët të familjes mbretërore, që shumë prej nesh nuk e dinte që ekzistonte.
Mes rrëfimeve të princit plangprishës, vihet re dhe kapitulli që Harry i ka kushtuar një periudhe të errët të jetës së tij, ku ai si shumë të rinj ra në kthetrat e drogës.
“Mbretërori” tregon se në moshën 17 vjeçare nisi të merrte kokainë.
“Në atë periudhë merrja kokainë. Ishim në shtëpinë e një miku, kur më ofruan një vizë dhe që nga ai moment nisa të merrja dhe unë. Nuk ishte shumë argëtuese, dhe nuk më bëri të ndihem i lumtur si bënin të tjerët. Më bëri të ndihem ndryshe dhe ai ishte objektivi im kryesor në atë kohë”, lexohet në autobiografinë e Dukës së Susseksit.
Gjithashtu, në libër princi është rrëfyer se gjatë kohës kur shërbeu në Afganistan ka vrarë plot 25 talebanë.
