Shkëlzen Jetishi- Xeni është aktivizuar shumë në muzikë gjatë kësaj periudhe, ai ka paralajmëruar edhe një këngë të re.
Këngëtari ka pak kohë që solli këngën, të cilën ua kushtoi punonjësve të kujdesit shëndetësor, saktësisht infermiereve, madje edhe titulli i atij projekti ishte “Infermieres time”.
Ani pse projekti i lartpërmendur ende nuk është publikuar i plotë me videoklip siç është paralajmëruar, kjo gjë nuk e ka ndalur Xenin të punojë tjetër këngë.
Kënga e re e këtij artisti do të jetë ritmike me tekst të Ghulos, ndërsa për muzikën u kujdes Granit Gashi. Mbetet të shihet se çfarë ka përgatitur kësaj radhe Xeni.
