Ish-zyrtari i lartë i FBI-së në Nju Jork Charles McGonigal është arrestuar për lidhjet e tij me një oligark rus Oleg Deripaska, një miliarder rus i cili është shpallur “non grata” nga Shtetet e Bashkuara.
Ish-zyrtari i lartë i FBI-së akuzohet për shkelje të sanksioneve ndaj Oleg Deripaska, një oligark i besuar i Putinit, i akuzuar për sabotim dhe ndërhyrje në zgjedhje në vende të tjera sipas direktivave të Moskës.
Oleg Deripaska ka depërtuar në heshtje edhe në Shqipëri, madje duke futur në dorë pasuri të rëndësishme publike, përmes ortakërisë me oligarkët tanë dhe korruptimit të zyrtarëve dhe ish zyrtarëve publikë.
Konretisht, Damian Gjiknuri, kur ishte ministër i Energjitikës, i ka dhënë Oleg Deripaskës hidrocentralin e Shushicës, përmes kompanisë Trema Engineering 2 me nipt: K21401004R, të cilën oligarku rus e kontrollon me anë të një kompanisë Stratbag AG në Austri.
Përfaqësuesit e oligarkut të Putinit tek kompania e tij në Shqipëri, janë Enis Kariqi dhe Eduart Gjana.
Ortakt me kompaninë e Oleg Deripaskas në hidrocentralin e Shushicës është edhe kompania GR Albania si dhe kompania ALB – STAR e oligarkut Idajet Ismailaj, i cili kontrollon një rrjet kompanish me aktivitet të dyshimtë në Shqipëri.
Sgoqëria SHUSHICA HYDROPOWER (nipt L71729019M) është themeluar në maj 2017, pasi sekserët e oligarkut rus kanë futur në ‘thes’ ministrin e Energjitikës Damian Gjiknurin (2013-2019).
Se ai i jepte lejet për HEC-e Gjiknuri, edhe në zona të mbrojtura, e ka zbuluar vetë Edi Rama.
Kur Edi Rama e zëvëndësoi Gjiknurin në dhjetor 2018 me Belinda Ballukun, Rama dhe Balluku nisën një aksion për shfuqizimin e lejeve për HEC-e që kishte dhënë Gjiknuri me Koli Belen, duke i shpallur si korruptive.
Por, Oleg Deripaskasa dhe Idajet Ismailaj ishin shumë të fortë financiarisht, duke e thyer me lehtësi aksionin anti korrupsion të qeverisë kundër Gjiknurit.
Ndërsa SHBA arreston ish zyrtarë të lartë të SHBA vetëm se kanë tentuar të ndihmojnë oligarkun rus Oleg Deripaskan për ta hequr nga lista e zezë e SHBA, zyrtarët e Tiranë i japin hidrocentrale, por edhe tendera.
Ish agjenti i FBI, Charles McGonigal
54-vjeçari McGonigal, 54 vjeç akuzohet për shkelje të sanksioneve të SHBA-së pasi ishte përpjekur të hiqte Deripaskën nga lista “non grata”. McGonigal është një nga ish-zyrtarët e rangut më të lartë të FBI-së i akuzuar ndonjëherë për një krim të tillë. Madje McGonigal dhe përkthyesi Shestakov akuzohen se ranë dakord në vitin 2021 të hetojnë një oligark rival rus në këmbim të pagesave nga Deripaska.
Ish agjenti i FBI, Charles McGonigal
McGonigal dhe Shestakov akuzohen për marrjen e pagesave përmes kompanive guaskë dhe falsifikimin e nënshkrimeve për të mbajtur të fshehtë që Deripaska po i paguante ata. Të dy përballen me akuza për pastrim parash përveç akuzës për shkelje të sanksioneve. Secila nga 4 akuzat mbart një dënim maksimal prej 20 vjetësh burgim.
Dosja e FBI për McGonigal
“FBI është e angazhuar për zbatimin e sanksioneve ekonomike të krijuara për të mbrojtur Shtetet e Bashkuara dhe aleatët tanë, veçanërisht kundër aktiviteteve armiqësore të një qeverie të huaj dhe aktorëve të saj”, tha në një deklaratë ndihmësdrejtori i ngarkuar i FBI-së, Michael Driscoll. “Oligarkët rusë si Oleg Deripaska kryejnë ndikim malinj global në emër të Kremlinit dhe janë të lidhur me akte ryshfeti, zhvatjeje dhe dhune” – shtoi ai.
Pas largimit nga FBI, McGonigal punoi për mandatin rus të naftës, Deripaska përmes një firme ligjore që përfaqësonte atë. Ai fitonte të paktën 25 mijë dollarë duke punuar si “hetues” për firmën ligjore. Më pas McGonigal punoi drejtpërdrejt për Deripaska, duke marrë një pagesë fillestare prej 51 mijë dollarësh dhe më pas pagesa prej 41 790 dollarë çdo muaj për 3 muaj nga gushti 2021 deri në nëntor 2021./Prapaskena
