Pak ditë pas ndarjes nag jeta të Pelé dhe Mihajlovic, një tjetër zi e rëndë kaplon botën e futbollit dhe sportit. Në moshën vetëm 58-vjeçare, Gianluca Vialli e humbi betejën me sëmundjen e rëndë, kancerin e pankreasit në Londër.
Ish-sulmuesi lombard i Cremonese, Sampdoria, Juventus dhe Chelsea, i detyruar të largohej nga stafi blu i Roberto Mancinit për shkak të përkeqësimit të kushteve të tij shëndetësore, nuk arriti të triumfojë kundër kancerit pankreatik, me të cilin u diagnostikua në vitin 2017.
Pas një periudhe pushimi pas trajtimeve, sëmundja u kthye me forcë, duke mos i dhënë shpëtim. Me Viallin largohet nga kjo botë një nga futbollistët më ikonik dhe të suksesshëm të skenës italiane.
Më 14 dhjetor, ish-sulmuesi i kombëtares italiane kishte lënë detyrën e kreut të delegacionit axurr me një mesazh: “Në fund të një “negociate” të gjatë dhe të vështirë me ekipin tim të mrekullueshëm të onkologëve, kam vendosur të pezulloj, shpresoj përkohësisht, angazhimet e mia profesionale të tanishme dhe të ardhshme.
Qëllimi është të përdor të gjitha energjitë psiko-fizike për të ndihmuar trupin tim të kapërcejë këtë fazë të sëmundjes, në mënyrë që të përballem sa më shpejt me aventura të reja dhe t’i ndaj me të gjithë ju. Një përqafim”.
