Ndodhi sërish. Nga debutimi i makthit në ëndrrën e finales. Pas debutimit “horror” ndaj Arabisë Saudite, Argjentina preu “biletën” për aktin e fundit të Kupës së Botës së Katarit. Një rrugëtim i pabesueshëm, i cili filloi keq, para se të kthehej drejt finales, garës që dhuron trofeun dhe vendin në majën e botës. Nuk është hera e parë që ndodh.
Dhe nuk është hera e parë për Argjentinën. Tashmë në të kaluarën, në fakt, pesë herë kishte ndodhur që skuadra që kishte dalë e mundur në debutim kishte arritur të fitonte kualifikimin në finale. Kështu ndodhi edhe me Italinë, por nuk ishte kombëtarja që arriti të fitonte Kupën e Botës, pasi dështoi në ndeshjen hapëse.
GJERMANIA (1982)
Në edicionin e vitit 1982 në Spanjë, Gjermania ra papritur në Gijon kundër Algjerisë në ndeshjen hapëse të Grupit 2. Afrikano-veriorët morën 3 pikët falë golave të Madjer dhe Belloumi, ndërthurur me barazimin e përkohshëm të Rummenigge. Reagimi i “Teutonikëve” erdhi me sukseset ndaj Kilit (4-1) dhe Austrisë (1-0), të cilat garantuan kalimin në fazën tjetër, ku kombëtarja gjermane mposhti Anglinë dhe nikoqirët e Spanjës.
Hap pas hapi, rrugëtimi i Gjermanisë vazhdoi deri në finale, falë fitores me penallti ndaj Francës. Në aktin e fundit, megjithatë, për Rummenigge dhe shokët e tij, Italia e Bearzot fitoi 3-1 falë golave të Paolo Rossi, Tardelli dhe Altobelli.
ARGJENTINË (1990)
Një gol i Omam-Biyik prishi festimet e Argjentinës në ndeshjen e saj hapëse në “Italia ’90”. Kameruni mposhti Albiceleste, gjë që ashtu siç ndodhi në edicionin aktual u konsiderua befasi. Amerikano-jugorët më pas fituan 2-0 ndaj Bashkimit Sovjetik dhe barazuan kundër Rumanisë. Pikë që garantuan kalimin e raundit mes palëve të treta më të mira. Pastaj rruga për në fazën e eliminimit direkt. Argjentina dorëzohet në aktin e fundit. Gjermania triumfoi falë një goli të ish-lojtarit të Interit, Brehme, me goditje dënimi.
ITALIA (1994)
Kupa e Botës 1994 e Italisë hapet me një humbje kundër Irlandës. Një gol i Houghton iu jep fitoren britanikëve dhe i shqetëson axurrët. Në grupin E, më pas vjen fitorja ndaj Norvegjisë me firmën e Dino Baggio dhe barazimi ndaj Meksikës. Italia fluturon në fazën me eliminim direkt falë vendit të fundit të rezervuar për skuadrat më të mira të vendit të tretë, së bashku me SHBA, Belgjikën dhe Argjentinën. Axurrët më pas mundën Nigerinë, Spanjën dhe Bullgarinë për të siguruar finalen, ku humbën me penallti kundër Brazilit.
SPANJË (2010)
Grupi E i Kupës së Botës 2010 në Afrikën e Jugut duket si ai që nuk lë asnjë dyshim: Spanja do të dominojë. Megjithatë, iberikët ranë në debutimin e tyre kundër Zvicrës, me rezultatin 1-0. Prej aty filloi një udhëtim i pandalshëm. “La Roja” mundi Kilin dhe Hondurasin në grup dhe pastaj, me radhë, Portugalinë në 1/8, Paraguajin në çerekfinale dhe Gjermaninë në gjysmëfinale. Ndryshe nga të tjerat, Spanja nuk gaboi në finale. Nga nokauti në debutim deri te te fitimi i Kupës së Botës. Kombëtarja iberike imponohej me rezultatin 1-0 ndaj Holandës, falë golit të Iniestës në minutën e 116-të, në kohën e dytë shtesë, dhe do të ngjitej në majën e botës.
ARGJENTINË (2022)
Debutimi fillon si nuk ka më keq. Messi zhbllokoi sfidën ndaj Arabisë Saudite, por më pas erdhi përmbysja me Al-Shehri dhe Al-Dossari, të cilët ua dhanë fitoren sauditëve në më pak se pesë minuta. Falë sukseseve ndaj Meksikës dhe Polonisë, Albiceleste fitoi kualifikimin në 1/8, ku mposhti Australinë. Më pas fitoret ndaj Holandës me penallti dhe Kroacisë, me kualifikim në finale. Këtë herë, Argjentina shpreson të mos përsërisë atë që bëri në vitin 1990, në Kupën e Botës në Itali, por të imitojë Spanjën dhe të marrë trofeun në shtëpi, 36 vite pas suksesit të fundit të vitit 1986.
