Një gol historik, sepse e lejoi atë, Neymar Jr, të arrinte Pelé me 77 gola, në krye të renditjes së golashënuesve më të mirë me fanellën e Brazilit. Megjithatë, nuk ishte një pasdite festimi për “O Ney”, pasi “Selecao” u barazua nga goli i Petkovic dhe u eliminua me penallti nga Kroacia.
Ylli i PSG kishte imagjinuar një fund të ndryshëm të historisë për të festuar një moment historik kaq të përzemërt dhe të rëndësishëm personal.
Kupa e Botës, të cilën Neymar dukej se e kishte përfunduar pas dëmtimit të kyçit të këmbës së djathtë në ndeshjen kundër Serbisë, por u kthye pas ndeshjes së humbur kundër Kamerunit.
Në 1/8 finale ai shënoi me penallti (për 2-0 kundër Koresë së Jugut), ndërsa dje ishte ai që dha iluzionin e kualifikimit në gjysmëfinale.
“O Ney” ka shënuar 8 gola në fazën finale të Botërorëve, është 1 gol pas Messit, por nuk do të ketë shansin ta arrijë aergjentinasin në këtë edicion. Ai do të duhet të presë deri në vitin 2026, kur të jetë 34 vjeç.
