Përkeqësimi i kushteve atmosferike mëngjesin e kësaj të premteje ka sjellë pezullimin e lundrimit për të gjitha mjetet e vogla lundruese në gjirin e Vlorës.
Po ashtu nuk janë lejuar që të dalin në det të hapur edhe anijet e peshkimit.
Kapiteneria e portit iu ka bërë thirrje të gjithë drejtuesve të këtyre mjeteve lundruese të marrin masa për sigurimin e tyre.
Bazuar në të dhënat hidro-meteorologjike, lartësia e dallgëve parashikohet të jetë deri në 3 metra.
Ndërkohë anijet e transportit ndërkombëtar detar do të vazhdojnë të operojnë normalisht sipas destinacioneve.
p.k\dita
