Me pjesëmarrjen e tij të sigurt në gjysmëfinalen e mbrëmshme, Leo Messi arriti një tjetër rekord botëror. Këtë e mbante gjermani Lothar Matthäus, që nga Franca e vitit 1998.
Leo arriti mbrëmë 25 ndeshje në Kupën e Botës dhe do të mund ta kalojë këtë shifër nëse luan finalen apo ndeshjen për vendin e tretë dhe të katërt.
Rruga e Messit në Kupën e Botës filloi në “Gjermania 2006”, me atë eliminim, duke qenë zëvendësues, kundër vetë zonjës së shtëpisë. Më pas 2010…, arriti finalen e Botërorit 2014 në Brazil.
“Rusia 2018″… dhe tani në Katar po kompleton paraqitjen e tij më të mirë në Kupën e Botës, me 4 gola, 2 asiste dhe 4 “MVP” në 6 ndeshje, tani për tani.
Deri më tani, “mbreti i Kupave të Botës” ishte, në këtë regjistër, Lothar Matthäus. Legjenda gjermane luajti nga viti 1982 deri më 1998. Ai ishte kampion në vitin 1990, si dhe nënkampion në dy edicionet e mëparshme, Spanja 1982 dhe Meksika 1986.
Çuditërisht, Lothar ishte ai që kishte më shumë ndeshje, por jo lojtari në histori me më shumë minuta në Kupat e Botës, një nder që i takon ende Paolo Maldinit (Itali), me 2217 minuta (karshi Matthäus me 2047 minuta).
