Achraf Hakimi shkoi dhe përqafoi, e festoi me mamanë e tij fitoren e jashtëzakonshme 2-0 ndaj Belgjikës, e cila, në fakt, i siguroi një vend në 1/8 finale të Botërorit të Katarit.
Skena “romantike” u përsërit në fund të një kapitulli tjetër historik për Marokun, menjëherë pas penalltisë vendimtare, e goditur me “lugë” më shumë se guximtare ,”alla Totti”, e cila eliminoi Spanjën e Luis Enrique dhe dërgoi afrikanët në çerekfinale.
Në mes të festimeve në fushë, nga pamjet e marra nga tribunat e stadiumit “Al-Rayyan Education City”, mund të shohim ish-lojtarin e Interit, i cili në një moment të caktuar la grupin e shokëve për të vrapuar drejt shkallëve të shkallëve të stadiumit. Atje i dha një puthje dhe përqafim mamasë së tij.
Një skenë prekëse, me një kuptim shtesë, pasi familja e Achraf-it është një nga të shumtat që emigruan në Spanjë, ku Maroku është komuniteti i huaj më i përfaqësuar. Mbrojtësi i krahut, duhet mbajtur mend, ka lindur në Madrid…
