Fushatat elektorale për zgjedhjet e 14 majit mesa duket kanë nisur. E kush më mirë se kandidatët pretendentë për Bashkinë e Tiranës mund të bëjnë konkurencë se kush lë ‘shije’ më të mirë tek publiku.
Këtë herë ‘godet’ kandidati demokrat për Bashkinë e Tiranës. I ftuar ditën e sotme në emisionin ‘Çim Peka Live’, Belind Këlliçi, më shumë se me platformën elektorale ra në sy për një detaj ekstravagant. Inicialet e tij të gdhendura në kollare.
Ndonëse një stil kaq ekstravagant nuk është parë as tek yjet e kronikës rozë të showbizit, Këlliçi ka vendosur të na tregojë një anë tjetër të tijën, atë të ‘fashion-it’.
Moda e inicialeve është parë dhe përdorur tek këmishat por, vendosja tyre në kollare ishte diçka e paprovuar më parë në botën e modës.
