Eksportet shqiptare vazhdojnë rënien. Sipas Instat në shtator eksportet ranë me 5,5% krahasuar me të njëjtën periudhë të një viti më parë, kurse si nëntë mujor rënia është 2,8%.
Goditja ka ardhur nga grupet kryesore Tekstile dhe këpucë”, “Minerale, lëndë djegëse, energji elektrike”, “Materiale ndërtimi dhe metale”. Por ndërsa për energjinë rënia lidhet me vitin e thatë pa reshje shiu, për sektorët e tjerë prodhuesit thonë se nuk ka politika mbështetëse që do të zbusnin efektet e kursit të këmbimit nga njëra anë, dhe reduktimin e burokracive nga ana tjetër.
Me 16 përqind janë rritur eksportet drejt Kosovës si pasojë e vendosjes nga qeveria e Prishtinës se taksën 100% për mallrat serbe dhe boshnjake. Por sipas prodhuesve shqiptare përfituesit më të mëdhenjtë kanë qenë bizneset turke dhe maqedonase.
Rënia e eksporteve dhe rritja e importeve nga ana tjetër me 3,0 % si 9 mujor, kanë thelluar deficitin tregtar të Shqipërisë me 8,8 %, krahasuar me të njëjtën periudhë të 2018.
http%3A%2F%2Ftop-channel.tv%2F2019%2F10%2F18%2Feksportet-shqiptare-ne-renie-goditja-me-e-madhe-per-tekstilet-dhe-kepucet%2F
