Zëdhënësja e Bashkimit Europian, Maja Koçijançiç reagoi pas etiketimit që presidenti Ilir Meta i bëri disa ndërkombëtarëve si “palaço”.
googletag.cmd.push(function() { googletag.display(‘div-gpt-ad-1508592105648-0’); });
Koçijançiç i quajti të papranueshme deklarata të tilla dhe theksoi se puna e ambasadorit Luigi Soreca dhe Delegacionit të BE, ka mbështetjen e plotë të Brukselit.
“Deklaratat dhe veprimet e përfaqësuesve të BE-së përfaqësojnë qëndrimet dhe pikëpamjet e bllokut”, tha Koçijançiç. “Ne përsërisim mbështetjen tonë të plotë për punën e shkëlqyer që Ambasadori i BE-së dhe Delegacioni i BE-së po bëjnë për ta sjellë vendin më pranë Bashkimit Evropian. BE-ja, të gjithë përfaqësuesit e saj dhe vendet anëtare po punojnë për t’i mbështetur në mënyrë efektive përpjekjet e Shqipërisë që t`i çojë përpara reformat thelbësore në të mirë të qytetarëve shqiptarë.
Ne besojmë se respekti dhe bashkëpunimi është i garantuar nga të gjithë aktorët në vend, me qëllim promovimin e partneritetit tonë me Shqipërinë”, ka qenë komenti i zëdhënëses.
Reagimi i ashpër i Metës erdhi pasi Kolegji i Posaçëm i Apelimit shkarkoi nga detyra Besnik Muçin, të cilin kreu i shtetit e kishte dekretuar gjyqtar në Gjykatën Kushtetuese.
