Angelina Jolie do të largohet nga roli i saj si e dërguara speciale në agjencinë e OKB-së për refugjatët, UNHCR, pas 20 vitesh fushatë në mbështetje të njerëzve të zhvendosur me forcë në mbarë botën.
Jolie, në një deklaratë të përbashkët me UNHCR-në, tha se dëshironte të trajtonte një grup më të gjerë çështjesh humanitare dhe të të drejtave të njeriut.
“Pas 20 vitesh duke punuar brenda sistemit të OKB-së, ndjej se është koha që unë të punoj ndryshe, duke u angazhuar drejtpërdrejt me refugjatët dhe organizatat lokale dhe duke mbështetur avokimin e tyre për zgjidhje”, tha Jolie ndërsa kërkon të punojë përtej orbitës së UNHCR-së.
Filippo Grandi, kreu i HCR, shprehu mirënjohjen e tij për dekadat e shërbimit dhe angazhimit të Jolie, duke theksuar se ajo bëri një ndryshim për refugjatët dhe njerëzit e zhvendosur.
Angelina Jolie, një nga aktoret më ikonike të Hollywood, ka kryer më shumë se 60 misione për UNHCR-në, duke siguruar që të tërheqë vëmendjen e mediave për problemet me të cilat përballen refugjatët.
