“Veliaj duhet të operohet urgjentisht”- Avokati Ndreca letër Burgjeve dhe Ministrisë së Shëndetësisë: Nuk kemi informacion për ekzaminimet mjekësore

Avokati Plarent Ndreca, mbrojtësi i kryetarit të Bashkisë së Tiranës Erion Veliaj, ka adresuar dy kërkesa zyrtare Drejtorisë së Burgjeve dhe Ministrisë së Shëndetësisë. Objekti: dorëzimi i plotë të dokumentacionit mjekësor të klientit të tij.

Sipas letrave, ekzaminimet e kryera më 7 nëntor në Institucionin e Ekzekutimit të Vendimeve Penale të Fierit tregojnë nevojë për ndërhyrje kirurgjikale urgjente. Dy ditë pas kësaj dati, mbrojtësi nuk ka marrë asnjë raport, imazh MRI apo rekomandim specialistik.

Në letër të parë, datuar 9 nëntor, Ndreca thekson se vonesa pengon konsultimin me mjekë të pavarur në Tiranë. Kërkon raportin e MRI-së, konstatimet e ortopedistit dhe parimet për operacion. Paralajmëron se çdo orë shtesë do të dokumentohet dhe do të sjellë verifikim përgjegjësie institucionale dhe individuale.

Letra e dytë vjen si reagim mbi përgjigjen e Drejtorisë së Burgjeve, protokolluar me numër 1620. Institucioni kishte referuar mbrojtjen e të dhënave personale si arësye refuzimi. Avokati e kundërshton: ligji nuk ndalon pacientin ose përfaqësuesin e tij të marrin kopje të dokumenteve që institucioni vetë ka krijuar.

Ndreca kërkon konfirmim nëse dokumentacioni ruhet tek Drejtoria apo është derivuar te IEVP Fier. Kërkon gjithashtu datën dhe mënyrën e tërheqjes së të dhënave. kopjuar: Ministria e Shëndetësisë dhe Klodiana Spahiu.