“Të çmendur” pas Leaos në Turqi, 50 mijë fanella të shitura për tri ditë!

Sipas mediave turke, numri i fanellave të shitura të Rafael Leao me fanellën e Gallatasarajit ka arritur në 50 mijë copë brenda tre ditëve nga zyrtarizimi i transferimit. Ky shifër është konsideruar shumë e lartë dhe dëshmon për entuziazmin e madh të tifozëve turq.

Portugezit, i cili mbante numrin 27, iu bë një pritje e jashtëzakonshme në Stamboll. Megjithatë, vëmendja tashmë është përqendruar tek shitja rekord e fanellave. Analistët vënë në dukje se Leao nuk arriti të shesë një numër të tillë fanellash në periudhën e tij tek Milani, ku u përball me kritika dhe fishkëllima.

Përpara se të zbresë në fushë, sulmuesi ka rimarrë besimin dhe entuziazmin e tij pas një periudhe të vështirë në Itali. Fansat e Gallatasarajit, të njohur për pasionin e tyre, e kanë kthyer menjëherë atë në një figure shumë të dashur, siç dëshmojnë fotot e shumta nga rrugët e qytetit. Ky sukses i madh në shitjen e fanellave vlerësohet si një lëvizje e mençur financiare për klubin turk.