Shkaktuan dy zjarre në Durrës, 3 të dyshuar si piromanë në pranga! U shkrumbuan dhjetëra hektarë me pemëtari, njëri aksidental nga freksibli

Tre persona u arrestuan nga Policia e Durrësit. Të tre dyshohen se shkaktuan dy zjarre të mëdha në qark. Hetuesit zbulojnë se ata shkaktuan shkrumbimin e dhjetëra hektarëve pyje dhe tokash bujqësore.

Policia e Shtetit njoftoi më 5 shtator se kishte identifikuar dhe ndaluar individët përgjegjës për incidentet e fundit. Flakët përfshinë sipërfaqe të gjera me pemë frutore dhe ullinj në zonën e Ishmit.

Hetimi zbuloi rastin e parë në fshatin Ishëm. Shtetasit I. R., 48 vjeç, dhe R. J., 59 vjeç, nga Sukthi, po punonin në pronën e një fqinji. Ata ishin duke prerë tuba hekuri me një mjet "fresibël". Gjatë punës, shkëndijat e krijuara ndezën flakët. Zjarri u përhap menjëherë në fermat përreth.

Si rezultat i zjarrit, u dogjën qindra pemë frutore dhe ullinj në një zonë të gjerë. Specialistët e Krimeve arrestuan menjëherë dy të dyshuarit. Ata akuzohen për veprën penale të shkatërrimit të pronës me zjarr.

Një tjetër incident u regjistrua në fshatin Rreth të Shijakut. Këtu, shtetasi Sh. D., 44 vjeç, akuzohet se ndezi zjarrin. Flakët dëmtuan rrjetin elektrik, duke shkatërruar telat e tensionit të lartë. U dogj edhe një sipërfaqe me bimësi.

Policia konfirmoi arrestimin edhe të këtij të treti. Të gjitha materialet hetimore janë dërguar në Prokurorinë e Durrësit. Të arrestuarit do të hetohen për shkatërrim prone dhe të rrjetit elektrik.

Drejtoria Vendore e Policisë bëri thirrje publike për kujdes. Qytetarët u paralajmëruan të mos kryejnë veprime të pakujdesshme me zjarrin. Apeli u drejtuam veçanërisht atyre që djegin mbetje bujqësore apo pastrojnë terrenin.

Policia garanton ndërhyrje të menjëhershme për çdo denoncim. Numri i emergjencës 112 është i hapur për çdo rast zjarrvënieje apo paligjshmërie tjetër. Reagimi do të jetë i paanshëm dhe i shpejtë.