“Rinasi, me rritjen më të shpejtë”- Fluksi në aeroportin e Tiranës, Rama: 1,7 milionë pasagjerë vetëm këtë muaj, rekordi i një dite ishte mbi 60 mijë udhëtarë

Shqipëria është bërë sërish protagonist në fushën e turizmit edhe për këtë vit. Kryeministri Edi Rama njoftoi sot për shifra historike të trafikut në Aeroportin Ndërkombëtar të Rinasit. Në një postim në rrjetet sociale, ai theksoi se muaji gusht ka sjellë fluksun e udhëtarëve në nivele të reja.

Sipas kryeministrit, vetëm deri më 27 gusht, aeroporti ka përpunuar mbi 1.7 milionë pasagjerë. "Vijojnë shifrat e larta në Aeroportin Ndërkombëtar të Tiranës, me 1.717 milionë pasagjerë të përpunuar vetëm gjatë këtij muaji", shkroi Rama në postimin e tij. Ai nxorri në pah edhe rekordin ditor të arritur pak ditë më parë.

Më 17 gusht, terminali përpunoi 60,291 pasagjerë dhe 326 fluturime brenda një dite të vetme. Kjo shifër përbën kulmin e trafikut për këtë sezon veror. Ritmi i lartë ka vijuar edhe gjatë muajit të kaluar. Edhe në korrik, u regjistruan afër 1.65 milionë udhëtarë, që përbën një rritje prej 28.1% krahasuar me të njëjtën periudhë të vitit 2023.

Rritja e konsiderueshme vjen në një kohë kur kërkesa për udhëtime ajrore vazhdon të rritet. Për këtë sukses, ka një vlerësim edhe nga organizatat ndërkombëtare. Në raportin e saj të prillit, Organizata Europiane e Aviacionit Civil e renditi sërish Tiranën. Ajo u vlerësua si aeroporti me rritjen më të shpejtë mujore në kategorinë e aeroporteve të mëdha. Kjo konfirmim vjen si rezultat i performancës së shkëlqyer gjatë muajve të fundit.