Plani i Infantinos për të mbajtur postin në FIFA, parashikohet një ndërhyrje në OKB!

Plani i Infantinos për të ruajtur kreun e FIFA-s, pritet fjalim në OKB

Gianni Infantino është aktualisht kandidati i vetëm për postin e presidentit të FIFA-s. Por kjo nuk e ka ndaluar atë të kërkojë mbështetje edhe më të gjerë për një mandat të ri. Lëvizjet vijnë pas tensioneve të krijuara rreth projektit të dështuar për shitjen e të drejtave të Botërorit tek një fond investimesh.

Sipas të përditshmes britanike The Guardian, strategjia e kreut të futbollit botëror përfshin edhe një fjalim në Asamblenë e Përgjithshme të OKB-së në New York. Aty ai pritet të afrohet me liderë të shteteve të ndryshme. Qëllimi është të sigurojë, përmes tyre, votën e federatave përkatëse.

Periudha nga tani deri në marsin e vitit të ardhshëm, kur janë caktuar zgjedhjet, do të shfrytëzohet për të riparuar marrëdhënie të krisura. Mungesa e një kandidature alternative e favorizon këtë skenar.

Në këtë kuadër, shkruan e përditshmja britanike, duhen parë edhe vizitat e pandërprera të Infantinos në disa kontinente. Ai ka udhëtuar shpesh në Amerikën e Jugut, Azi dhe Evropë për takime me krerë federatash. Gjatë këtyre kontakteve atyre u janë premtuar financime dhe lehtësira të tjera. Mbështetja ka synuar forcimin e aktiviteteve futbollistike në vendet përkatëse.

Këto lëvizje janë lehtësuar ndjeshëm nga vënia në dispozicion e avionëve të Qatar Airways. Kompania, gjatë Botërorit të organizuar në Kanada, Meksikë dhe SHBA, i krijoi presidentit mundësinë të ndjekë pothuajse të gjitha ndeshjet. Bëhet fjalë për 104 takime në total.