Nga Tirana në kufi me Greqinë, transportojnë refugjatë drejt BE-së. Dy të arrestuar në Sarandë

Dy tiranas kapen në Sarandë, transportonin 6 emigrantë drejt Greqisë

Dy persona përfunduan në pranga në Sarandë.

Ata dyshohen se po çonin me pagesë gjashtë të huaj drejt shtetit grek.

Destinacioni i grupit, sipas hetuesve, ishin vendet e Bashkimit Europian.

Policia i identifikoi të ndaluarit me inicialet A. D. dhe F. Ç.

Ata janë 50 dhe 59 vjeç, me banim në kryeqytet.

Operacioni u finalizua në zonën e njohur si “Pagane”.

Efektivët i ndaluan pranë vijës kufitare me shtetin fqinj.

Ata po lëviznin me dy makina.

Mjetet, sipas bluve, do të shërbenin për lëvizjen e të huajve.

Gjashtë të huajt vijnë nga Pakistani, Bangladeshi dhe India.

Kufitarët thonë se grupi kishte hyrë ilegalisht nga toka greke në Shqipëri.

Plani i tyre ishte të vijonin udhëtimin drejt BE-së.

Për kalim të paligjshëm të kufirit, ndaj emigrantëve nisi ndjekja penale.

Makinat u bllokuan si provë materiale.

Dosja iu dorëzua Prokurorisë për hetime të mëtejshme.