ABC24.al është gazeta dixhitale shqiptare që ofron lajme të besueshme, analiza të thelluara dhe reportazhe ekskluzive 24 orë në ditë.
Protesta e thirrur nga studentët vijoi në rrugët e Tiranës, ku protestuesit kanë zgjedhur të marshojnë pas bllokimit të qarkullimit

Protesta e thirrur nga studentët vijoi gjatë pasdites në rrugët e Tiranës. Pasi u bllokua qarkullimi në disa akse të kryeqytetit, protestuesit zgjodhën të marshojnë.
Nisja u shënua në orën 14:00, para Ministrisë së Arsimit. Dy orë më vonë, në 16:00, turma u vu në lëvizje.
Policia ngriti kordone në disa akse rrugore, me qëllim që të frenojë ecjen e protestuesve. Marshimi vijoi pa përplasje, me përjashtim të flakëve që përfshinë ndonjë kosh mbeturinash.
Fillimisht protestuesit marshuan në Rrugën e Kavajës. Aty u përballën me një kordon policie që u pengoi avancimin. Pas bllokimit turma ndryshoi drejtim dhe u kthye drejt qendrës së Tiranës.
Më herët, lëvizja ishte bllokuar në Rrugën e Durrësit dhe më pas vijoi në rrugët e kryeqytetit. Fillimisht u raportua se destinacioni ishte selia e PS. Itinerari ndryshoi më pas.
Gjatë marshimit protestuesit i vunë flakën disa kazanëve të mbeturinave.
Rreth orës 17:15 turma u ndal përballë Kryeministrisë. Aktualisht protestuesit janë mbledhur në bulevard, para godinës së Kryeministrisë.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
Diskutimi
Komentet miratohen nga redaksia para se të shfaqen.