“Ka tre dëshmitarë”- Vizita e Berishës në SHBA, Kokalari i drejtohet FBI: Duhet të arrestohet, dha urdhrin për të asgjësuar ish-ambasadoren Mariza Lino!

Aktivistja Evi Kokalari, njëherësh anëtare e Partisë Demokratike, ka kundërshtuar prerazi vizitën e Sali Berishës në Shtetet e Bashkuara të Amerikës. Ajo iu referua një episodeje të errët nga e shkuara. Reagimi i saj i ashpër u bë publik përmes një postimi në rrjetin social X.

Në postimin e saj, Kokalari i ka drejtuar akuza të rënda ish-kryeministrit shqiptar. I lidhi ato me ngjarjet e vitit 1997. Ajo pretendon se ekzistojnë prova dhe dëshmitarë për një urdhër të dyshuar. Sipas saj, urdhëri ishte dhënë kundër ish-ambasadores amerikane në Tiranë, Marisa Lino.

Në pjesën e fundit të komenteve, aktivistja shqiptare i ka bërë thirrje publikisht Byrosë Federale të Hetimit në Nju Jork. Ja si është shprehur Kokalari:

“‘Një mrekulli lirie’? Duhet të arrestosh për urdhrin për të ‘asgjësuar’ ambasadoren amerikane në Shqipëri, Marisa Lino, në vitin 1997. Tre dëshmitarë, duke përfshirë shoferin e ambasadores, i cili u plagos rëndë dhe tani jeton në Nju Jork, mund të dëshmojnë.”