Florjan Binaj i del përballë PD-së, paralajmëron kandidimin për Bashkinë e Tiranës edhe pa mbështetjen e opozitës!

Florjan Binaj, aktor dhe aktivist, ka konfirmuar synimin e tij për t'u futur në garën për Bashkinë e Tiranës. Në një intervistë për Euronews Albania të shtunën, ai deklaroi se do të kandidonte edhe si i pavarur, nëse situata e kërkon.

Gjatë bisedës, pyetjes nëse ishte gati të vetëkandidonte në skenarin më të keq, apo të ishte pjesë e një fronti të bashkuar opozitar në atë më të mirin, Binaj iu përgjigj me një "Po" të prerë. Kur gazetarja insistoi të kuptonte bazën e bindjes së tij, ai dha një shpjegim principial.

Sipas tij, vendimi buron nga ndjesia e detyrimit për të kontribuuar. "Ku hahet më çon që mendoj që kjo është gjëja e duhur që duhet të bëj, jo vetëm unë, por kushdo që ka një kontribut në shoqëri", u shpreh Binaj. Aktori theksoi se angazhimi nuk mund të kufizohet në aktivitetin online. Kërkon veprime të prekshme.

"Kushdo që mendon që 'enough is enough' (mjaft është mjaft), kushdo që mendon që ky qytet mund të përmirësohet, ashtu si çdo qytet, dhe mund të përmirësohet jo nëpërmjet algoritmit, mund të përmirësohet jo nëpërmjet like-ave, mund të përmirësohet jo nëpërmjet komenteve 'Bravo shefi, yll shefi, sa i bukur shefi' e postimeve, por sa do kapim e sa do postojmë", deklaroi Binaj.

Në përfundim, Binaj bëri të qartë se mbështetja e mundshme nga opozita nuk është një kusht vendimtar. Shprehu bindjen se do të jetë një nga figurat që do të garojnë për kreun e Bashkisë së Tiranës. Do të garojë me ose pa një koalicion prapa tij.