Bomba e telekomanduar në Durrës, ekspertët e RENEA-s çaktivizojnë eksplozivin e lidhur me celular!

Durrës/ Një alarm për bombë shënohej në orët e para të mëngjesit në lagjen nr. 3 të qytetit. Sipas njoftimit zyrtar, policia u vu menjëherë në lëvizje pas marrjes së një telefonate për një objekt të dyshimtë.

Forcat e rendit bllokuan zonën dhe ngritën perimetër sigurie. Kjo masë u mor për të mbrojtur popullsinë e zonës nga çdo rrezik eventual.

Në vendngjarje mbërritën menjëherë ekspertët e RENEA-s. Me ndërhyrjen e tyre të specializuan arritën ta neutralizojnë lëndën plasëse. Bomba ishte e lidhur me një celular dhe u gjet e braktisur në rrugë. Sipas burimeve, eksplozivi kishte sasi të vogël.

Një grup hetimor është formuar dhe po punon nën drejtimin e prokurorisë. Ata po kryejnë këqyrjen e provave materiale në vendin ku u gjet objekti. Hetuesit po mundohen të zbulojnë personat përgjegjës si për vendosjen ashtu dhe për braktisjen e bombës.