Zvicra kërkon të heqë statusin civil “i divorcuar” -

Zvicra mund ta heqë përgjithmonë nga dokumentet shtetërore statusin e “të divorcuarit”. Qeveria federale i ka dhënë dritën jeshile një nisme parlamentare që synon t’i heqë qytetarëve barrën e kësaj etikete, që shihet si e panevojshme dhe e vjetëruar.

Bashkimi i Liberaldemokratëve (FDP), Nadine Gobet, është iniciatorja e këtij propozimi. Sipas saj, njerëzit nuk duhet të mbajnë gjatë gjithë jetës një shënim administrativ që i referohet një ngjarjeje të përfunduar plotësisht nga ana ligjore.

“Të detyrosh dikend të shkruajë ‘i divorcuar’ përgjithmonë, do të thotë të bësh me dije se një fakt personal vijon të regjistrohet zyrtarisht”, argumentoi deputetja. Propozimi i saj parashikon që pas divorcit, njeriu të kthehet automatikisht në kategorinë e beqarit në regjistrat zyrtarë.

Kjo nismë tashmë ka mbështetjen e plotë të ekzekutivit. Me këtë votë, çështja kalon në duart e Parlamentit. Deputetët do të duhet të shprehen nëse janë pro apo kundër heqjes së statusit “i divorcuar” nga formularët shtetërorë.

Nëse legjislatura e miraton, do të nisë menjëherë puna për ndryshimet e kodit civil. Objektivi është i qartë: çdo status civil duhet të pasqyrojë realitetin e tanishëm të një personi, jo historinë e tij martesore që ka marrë fund.