Zjarret në Ungrej, Nufi: Rreziku për banesat është shmangur, vijon operacioni i Forcave të Armatosura
Ministri i Mbrojtjes, Ermal Nufi, ishte mbrëmjen e sotme në njësinë administrative Ungrej në Lezhë, ku ndoqi nga afër situatën
Ministri i Mbrojtjes, Ermal Nufi, ishte mbrëmjen e sotme në njësinë administrative Ungrej në Lezhë, ku ndoqi nga afër situatën dhe operacionin për shuarjen e zjarreve.
Nufi, së bashku me prefektin e qarkut Taulant Malshi, kryetarin e Bashkisë Lezhë Pjerin Ndreu dhe deputetin Admir Kadeli, u takua me forcat e angazhuara në terren dhe u njoh me ecurinë e operacionit.
Sipas ministrit, në përpjekjet për shuarjen e flakëve, përveç forcave bashkiake, vullnetare dhe të shërbimit pyjor, janë angazhuar edhe Forcat e Armatosura.
Në terren ndodhen një helikopter i Forcës Ajrore, 132 efektivë ushtarakë me 7 mjete, si dhe 3 automjete zjarrfikëse dhe 2 autoambulanca.
“Deri tani rreziku për banesat është shmangur, ndërsa Forcat e Armatosura vijojnë angazhimin e pandërprerë në operacionin e shuarjes së zjarrit në Ungrej”, deklaroi Nufi.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
- Desk qendror i lajmeve 24/7
- Rishikim editorial kolektiv
- Verifikim me të paktën dy burime
Diskutimi
Komentet
Lë një koment
Komentet miratohen nga redaksia para se të shfaqen.