“Western” në mes të lokalit në Velipojë, plas ‘kallashi’ dhe pistoleta pas sherrit të dhunshëm! Dy persona nxorën armët dhe… (VIDEO)

Një sherri i rëndë brenda një lokali në Velipojë u bë shkak për nxjerrjen e armëve të zjarrit. Kjo krijoi panik të madh mes klientëve të pranishëm.

Sipas informacioneve, fillimisht ndodhi një debat verbal. Mes përplasjes ishin dy persona dhe një i mitur që punonte aty si kamerier. I riu njoftoi menjëherë të afërmit e tij për ndihmë.

Pak më vonë, një mjet mbërriti pranë barit. Prej aty dolën tre persona. Dy prej tyre hynë brendaambientit të armatosur: njëri mbante automatik, tjetri pistoletë.

Pamjet e sigurisë tregojnë panikun e krijuar. Klientët u ngritën menjëherë nga tavolinat. Të gjithë dolën me vrap jashtë lokalit për t’u larguar nga zona e rrezikut.

Pronari i lokalit ndërhyri për të ndaluar përshkallëzimin. Ai u përplas fizikisht me njërin prej të armatosurve. Madje ia mori automatikun nga dora. Megjithatë, personi i dytë nxjerr një armë tjetër, pistoletë, nga brezi.

Situata u kthye në një konflikt të armatosur. Mundej të përfundonte në tragjedi. Aktualisht policia po heton ngjarjen dhe ka identifikuar të përfshirët.