Wendt shmang Berishën, takim me Tabakun, Kason e Bylykbashin. Në tryezë edhe partitë e vogla

Ambasadori i ri i Shteteve të Bashkuara në Tiranë, Eric Wendt, është takuar me një grup deputetësh të opozitës.

Sipas burimeve, në tryezë kanë qenë Oerd Bylykbashi, Jorida Tabaku dhe Ivi Kaso. Pjesë e bisedës ishin edhe përfaqësues të partive të vogla parlamentare.

Takimi vjen në vazhdën e kontakteve që diplomati amerikan po zhvillon me institucionet shqiptare. Wendt mbërriti së fundmi në vend dhe më 2 tetor bëri prezantimin zyrtar.

Në takim morën pjesë edhe dy senatorë amerikanë. Ata ndodhen prej disa ditësh në Shqipëri për një vizitë zyrtare.

Nga takimi ka munguar kreu i PD-së, Sali Berisha. Ai është shpallur non grata nga Shtetet e Bashkuara dhe u shmang nga axhenda e ambasadorit.