Vidhet makinën në Pogradec, e kishte lënë pronari me çelësat brenda, arrestohet autori

Në Pogradec u regjistrua një vjedhje makine gjatë mbrëmjes së të mërkurës. Sipas policisë, në lagjen nr. 1, një shtetas vuri re një automjet dhe e morri atë.

Bëhet me dije se pronari e kishte lënë mjetin me çelësat ende brenda, pak hapa larg nga vendi ku ndodhej.

Pas denoncimit, efektivët e komisariatit të Policisë Pogradec reaguan menjëherë. Autori i dyshuar u identifikua dhe u arrestua pak minuta më pas.

Ai u shoqërua në ambientet e policisë për veprime të mëtejshme hetimore./authentication

Hetuesit vijojnë punën për sqarimin e plotë të rrethanave të kësaj ngjarjeje.