VIDEO / Protesuesit sulmuan deputeten e PS, reagon Koçiu: Kjo është dhunë e mirëfilltë!

Zëvendëskryeministrja Albana Koçiu ka dënuar ashpër dhunën e ushtruar ndaj deputetes së PS, Iris Luarasi, gjatë përplasjeve me protestuesit jashtë Parlamentit në nisje të seancës plenare.

Në reagimin e saj të bërë publik në Facebook, Koçiu theksoi se episode të tilla nuk kanë asnjë lidhje me të drejtën e protestës. "Kjo nuk është asnjë formë e shprehjes së zemërimit qytetar. Është dhunë e mirëfilltë dhe e shëmtuar, që meriton dënim pa asnjë rezervë", shkroi ajo.

Zyrtarja e lartë qeveritare u ndal veçanërisht te agresioni ndaj përfaqësuesve të zgjedhur. Ajo e cilësoi një akt të turpshëm dhunën ndaj institucioneve dhe deputetëve. "Aq më e rëndë bëhet kur nxitet nga vetë gratë", shtoi Koçiu, duke iu referuar specifikisht rastit të Iris Luarasit.

Sipas zëvendëskryeministres, sjellje të tilla janë të papajtueshme me standardet e një demokracie europiane. Ajo bëri thirrje përmbi ndalimin e menjëhershëm të sulmeve të tilla.