VIDEO/ “Largohu!” Protestuesit rrethojnë dhe godasin makinën e qytetarit pranë Piramidës

Sërish tension në protestën e mbrëmjes në Tiranë. Këtë herë, një grup demonstruesish ka bllokal kalimin në kryqëzimin pranë Urës së Lanës, në afërsi të Piramidës.

Në pamjet e regjistruara në vendngjarje, shihet një automjet që tenton të kalojë. Protestuesit e rrethojnë menjëherë, duke krijuar një tension të menjëhershëm. Disa prej tyre i afrohen mjetit dhe nisin ta godasin me duar e sende.

Ky incident ndodh në një periudhë kur bllokime të tilla të rrugëve janë shënuar në disa pika të kryeqytetit. Shpesh, protesta ka kaluar nga përballja institucionale në përplasje të drejtpërdrejtë me automjete e qytetarë që nuk janë pjesë e saj.

E drejta për t’u shprehur është e shenjtë, por rrugët e bllokuara dhe veçanërisht dhuna ndaj kalimtarëve hapin një çështje të re. Në këtë rast, shoferi në fjalë nuk mbante asnjë detyrë shtetërore. Ai ishte thjesht një qytetar normal që provonte të vazhdonte rrugën e tij.

Pamjet tregojnë një moment tjetër ku qëllimi politik i protestës duket se harrohet. Presioni ndryshon objektiv, duke u drejtuar kundër njerëzve të zakonshëm, të cilët përfundojnë nën zemërimin e turmës vetëm sepse duan të ecin përpara.