Vetëm Rafinja është më mirë se Shpendi në Europë, Kombëtarja fiton një “snajper”

Shpendi lë pas Europën, vetëm Rafinja bën më mirë – Kombëtarja gjen “snajperin” për Ligën e Kombeve

Trajneri Marani merr një armë të fortë për katër ndeshjet e ardhshme në Ligën e Kombeve.

Kristjan Shpendi po kalon një formë të shkëlqyer. Ai renditet tashmë mes sulmuesve më efikasë në kontinent.

Numrat e tij te Çezena flasin qartë. Shqiptari ka realizuar gjashtë gola deri në këtë pikë të sezonit. Për t’i arritur i janë dashur vetëm tetë goditje në kuadrat. E thënë ndryshe, 75% e tentativave të tij kanë përfunduar në rrjetë. Një efiçencë e rrallë për një sulmues.

Forma e kuqeziut spikat edhe në krahasim me kampionatet më të forta. Nëse llogariten pesë ligat kryesore europiane bashkë me divizionet e tyre të dyta, bilanci i tij mbetet ndër më të mirët. Vetëm Rafinja ka bërë pak më mirë, me gjashtë gola në katër ndeshje.

Shpendi ka shënuar po gjashtë herë, por në pesë paraqitjet e para kampionale. Veç kësaj, ai ka gjetur golin në çdo takim ku është hedhur në fushë. Vazhdimësi që nuk e ka asnjë tjetër në këtë renditje.