Vdekja e 16-vjeçarit në restorant në Fushë-Krujë, arrestohen kamarieri dhe pronari i lokalit

Pranga dy personave për vdekjen e 16-vjeçarit në një lokal në Fushë-Krujë

Policia e Fushë-Krujës ka arrestuar kamarierin dhe pronarin e një restoranti në fshatin Arrameras. Hetimi lidhet me vdekjen e një 16-vjeçari që punonte si kamarier në të njëjtin lokal.

Tragjedia ndodhi një ditë më parë.

Sipas policisë, 26-vjeçari me iniciale E. S. e ka shtyrë të miturin me duar brenda në ashensor. Pajisja është shkëputur menjëherë pas shtytjes dhe adoleshenti ka humbur jetën.

Ngjarja është regjistruar më 11.10.2026 në restorantin në pronësi të shtetasit me iniciale A. V.

26-vjeçari, gjithashtu kamarier i lokalit, akuzohet për “Vrasja nga pakujdesia”. Pronari do të hetohet për “Shkelja e rregullave të mbrojtjes në punë” dhe “Fshehja e të ardhurave”.