“Urgjencë kombëtare”- Alarmi në Kosovë për vrasjen e grave, marshim i madh në Prishtinë! lexohen letrat e Arlinda Zekajt drejtuar institucioneve

Alarm në Kosovë për vrasjet e grave: marshim në Prishtinë, lexohen letrat që Arlinda Zekaj i kishte dërguar institucioneve

Protestat kundër vrasjes së grave vazhduan sërish në Kosovë. Të shtunën, qytetarët marshuan nëpër kryeqytet dhe kërkuan që vrasjet e grave të shihen si urgjencë kombëtare.

Gjatë marshimit në Prishtinë u lexuan letrat e Arlinda Zekajt, gruas së vrarë më 25 tetor, të cilat ajo i kishte dërguar institucioneve duke kërkuar mbrojtje.

Para Ministrisë së Drejtësisë, protestuesit kërkuan shkarkim dhe ndjekje penale për zyrtarët shtetërorë që neglizhuan rastin e 49-vjeçares.

Marshimi vazhdoi drejt Këshillit Prokurorial të Kosovës, ndërsa u ndal edhe para policisë. Vëllai i Erona Coklit, e vrarë gjatë vitit 2024 në një institucion shtetëror, kërkoi drejtësi për të dhe për gratë e tjera të vrara.

Para Këshillit Gjyqësor të Kosovës, protestuesit kërkuan masa ndaj gjyqtarit Migjen Kastrati.

Marshimi përfundoi para objektit të Qeverisë së Kosovës, ku protestuesit kërkuan llogaridhënie nga institucionet.

Tetë gra janë vrarë në Kosovë gjatë vitit 2026.