U arrestua pas denoncimit të nxënësve për ngacmim seksual në Selenicë, mësuesi 35-vjeçar mbërrin në Gjykatë për masën e sigurisë!

Mësuesi i edukimit fizik Albano Ameti, 35 vjeçar, paraqitet sot në Gjykatën e Shkallës së Parë të Juridiksionit të Përgjithshëm Vlorë. Do të merret vendimi për masën e sigurisë pas arrestimit të tij.

Ameti punon në shkollën „Hajredin Beqari“ të Selenicës. Akuzohet për ngacmim seksual ndaj disa nxënëse të mitura. Episodi kryesor ka ndodhur gjatë një ore mësimi në palestër. Sipas dëshmive të nxënësve, mësuesi ka dhënë udhëzime të tillë: „Drejtoni gjoksin, shpatullat drejt, këmbët bashkuar“. Vajzat e kanë interpretuar këto fjalë si ngacmim seksual.

Nga dosja nuk dalin elemente të tjera. Nuk përmenden komunikime private me telefon, mesazhe apo takime individuale midis mësuesit dhe nxënësve. Të gjitha pretendimet lidhen vetëm me fjalët e përdorura gjatë orës së fizkulturës, në prani të tërë klasës.