Tragjedi në Tropojë, humbin jetën pas rënies në kontakt me rrymën elektrike 2 punonjës të Bashkisë, 2 të tjerë plagosen! Po krasisnin pemët kur…

Një aksident tragjik ka shkaktuar dy vdekje dhe dy plagosje në Tropoja gjatë pasdites së së martës, më 8 shtator. Katër punonjës të Ndërmarrjes së Mirëmbajtjes së Bashkisë u goditën nga rryma elektrike teksa po kryenin punime në terren.

Për pasojë, dy prej tyre humbën jetën, ndërsa dy të tjerë mbetën të lënduar. Mjekët u përballën me gjendjen kritike të dy të plagosurve. Fatkeqësisht, njëri prej tyre nuk arriti t’i mbijetonte goditjes elektrike.

Ndër viktimat është identifikuar Muhamet Sylisufaj, punonjës i Bashkisë së Tropojës, i cili gjeti vdekjen menjëherë në vendin e ngjarjes. Pak më vonë, edhe punonjësi i dytë ndërroi jetë në spital si pasojë e dëmtimeve të rënda.

Aktualisht, dy personat e tjerë që pësuan plagosje ndodhen nën kujdesin intensiv të bluzave të bardha.

Mësohet se ngjarja ndodhi gjatë një ndërhyrjeje për krasitjen e pemëve. Punonjësit po vepronin pranë një shtylle të linjës elektrike me tension, kur u goditën nga rryma.

Forcat e policisë dhe grupi hetimor mbërritën menjëherë në vendngjarje për të zbardhur rrethanat e plota të incidentit. Hetuesit po analizojnë dinamikën e ngjarjes dhe respektimin e protokolleve të sigurisë në punë. Një fokus kryesor i hetimeve është edhe verifikimi nëse ekzistonte një koordinim i mëparshëm midis Bashkisë së Tropojës dhe shoqërisë së shpërndarjes së energjisë për stakimin e rrymës para fillimit të punimeve.