Theu xhamat e Gjykatës Kushtetuese, në pranga protestuesit 19-vjeçar, procedohen 5 të tjerë

Polica e Tiranës ka arrestuar një 19-vjeçar dhe ka proceduar penalisht pesë persona të tjerë pas incidenteve të regjistruara gjatë protestës së mbarë ditën e mëparshme në kryeqytet.

Sipas njoftimit zyrtar të Drejtorisë Vendore të Policisë, i ri nga Dibra dyshohet se ka thyer me objekte të forta xhamat e dritareve të pallatit të Gjykatës Kushtetuese. Pesë të tjerët akuzohen për veprime të kundërligjshme gjatë tubimit. Të gjitha materialet procedurale u referuan Prokurorisë për veprime të mëtejshme.

Arrestimi u bë në flagrancë. Shtetasi O. C., 19 vjeç, banues në Dibër, pritet të përballojë akuzën për "Shkatërrimin e pronës". Pesë shtetasët e tjerë u proceduan në gjendje të lirë si autorë të dyshuar të veprimeve të kundërligjshme.

Lista e veprrave penale përfshin: "Organizimin dhe pjesëmarrjen në grumbullime dhe manifestime të paligjshme", "Prishjen e qetësisë publike", "Pengimin e qarkullimit të mjeteve të transportit", "Kundërshtimin e punonjësit të policisë së rendit publik" dhe "Shkeljen e rregullave mbi lëndët plasëse dhe djegëse".

Hetimet vazhdojnë nga Prokuroria.