Takimi i Ramës me ministrat dhe krerët politikë të PS në qarqe, zbulohet çfarë u ka kërkuar kryeministri: ‘Pasqyra Albania’ të jetë ligj për të gjithë!

Janë zbardhur detajet e para nga mbledhja e kryeministrit Edi Rama me ministrat dhe drejtuesit politikë të Partisë Socialiste në nivel qarqesh. Takimi po zhvillohet në një nga vilat qeveritare në Tiranë.

Burimet bëjnë me dije se në këtë takim, kryeministri Rama ka vendosur theksin tek domosdoshmëria e forcimit të strukturave partiake në terren dhe rritja e angazhimit të drejtpërdrejtë me qytetarët. Ai ka kërkuar ndërtimin e një mekanizmi të ri ku çdo politikan i PS-së, që nga ministrat e deri tek deputetët, të ketë një përgjegjësi të qartë e të dedikuar për një territor të caktuar.

Sipas informacioneve nga takimi, që vijon ende, Rama ka theksuar se takimet periodike me përfaqësuesit e strukturave duhet të kryehen çdo javë. Qëllimi i këtyre takimeve të rregullta është që problematikat dhe shqetësimet e qytetarëve të dëgjohen e të trajtohen menjëherë, pa vonesa.

Në fjalën e tij, Rama ka qenë këmbëngulës edhe për çështjen e projektit "Pasqyrë Albania". Ai ka udhëzuar që kjo iniciativë nuk duhet të mbetet thjesht si një platformë ose si njësi organizative, por duhet të-ngrihet në ligj. "Besa dhe prania besnike prezente në territor, përmes një skeme të personalizuar: drejtues politik, deputet, ministër, zv.ministër të dedikuar", mësohet se ka thënë Rama, sipas burimeve nga takimi.