Sulmet iraniane në Jordani thuhet se kanë dëmtuar disa aeroplanë luftarakë amerikanë

Sipas burimeve të informuara për situatën, të cituara nga CBS News, sulmet iraniane në bazën ajrore Muwaffaq Salti në Jordan shkaktuan dëmtime në disa avionë luftarakë amerikanë.

Raportet tregojnë se tetë avionë F-15 pësuan dëme, megjithatë ato u kthyen shpejt në detyrë. Gjithashtu, u godit edhe një avion A-10 Thunderbolt, i njohur si Warthog, i cili sipas të njëjtave burimeve humbi një krah në sulm.

Fatmirësisht, nuk ka pasur raporte për viktima amerikane nga kjo ngjarje në Jordan.

Ky dëm vjen pasi Shtetet e Bashkuara njoftuan të martën se sulmuan pesë anije iraniane, në një akt hakmarrjeje pasi Irani kishte shënjestruar një anije të marinës amerikane.

Më pas, Garda Revolucionare e Iranit deklaroi se kishte nisur sulme ndaj tetë tankerëve dhe dy anijeve luftarake, si dhe kundër bazës amerikane në Jordan.

Raporti thekson gjithashtu se forcat amerikane në Jordan u detyruan të përdorin mbi 30 raketa Patriot për t’u mbrojtur nga sulmet iraniane.

Kjo ngjarje ndodh në një kontekst shqetësimesh amerikane për furnizimin me raketa Patriot, i cili po pakësohet me ritme të shpejta, së bashku me stoqet e municioneve të tjera precize.